शियान : चीनको मध्य प्रान्त शान्सीका १ करोड ३० लाख मानिसलाई प्रान्तीय सरकारले घरमै बस्न निर्देशन दिएको छ । शान्सी प्रान्तको मुख्य सहर सियानमा कोभिड १९ संक्रमण देखा परेपछि सरकारले बिहीबारदेखि त्यहाँका मानिसलाई घरमै बस्न निर्देशन दिएको हो ।
करिब १ करोड ३३ लाखभन्दा बढि जनसंख्या भएको सियान सहरका करिब १२७ मानिसमा कोरोना संक्रमण पुष्टि भएको छ । दोस्रो चरणको सामूहिक परीक्षणमा १२७ नयाँ संक्रमित पुष्टि भएपछि थप संक्रमण फैलिन नदिन सरकारले बुधबार लकडाउनको निर्णय गरेको हो ।
सो निर्णयअनुसार प्रत्येक घरबाट दुई दिन बिराएर अत्यावश्यक कामका लागि मात्र घरबाहिर निस्कन पाउनेछन् । सरकारले अत्यावश्यक सेवाबाहेक सो सहरका शैक्षिक संस्था, व्यापार व्यवसायसमेत बन्द गराएको छ । सो सहरबाट अर्को क्षेत्रमा यात्रा गर्न स्थानीय सरकारको अनुमति माग्नुपर्ने व्यवस्थासमेत सरकारले लागू गरेको छ ।
चीनले पूर्णरुपमा कोभिड नियन्त्रण गर्ने रणनीति बनाएको छ । सो रणनीति प्रभावकारी बनाउन चीनले कोभिड परिक्षण, लकडाउन, कोभिड प्रतिबन्धलगायत नियम अपनाउँदै आएको छ । आगामी महिना राजधानी बेइजिङमा आयोजित शीतकालिन ओलम्पिक्सलाई मध्यनजर गर्दै चीनले कोभिड फैलन नदिन उच्च सर्तकता अपनाइरहेको छ ।
प्रतिक्रिया दिनुहोस !
