वीरगन्ज : भारतबाट ठूलो परिणाममा लागुऔषध लिएर आउँदै गरेका एक किशोरलाइ प्रहरीले वीरगन्जबाट पक्राउ गरेको छ। वीरगन्ज महानगरपालिका-१५ बाइपास सडकबाट मंगलबार बिहान प्रहरीले वीरगन्ज-१३ मुर्लीका १९ वर्षिय विक्रम सर्राफलाइ लागुऔषधसहित पक्रेको हो ।
गोप्य सूचनाको आधारमा खटिएको प्रहरी टोलीले रक्सौलबाट पैदल आउँदै गरेका सर्राफलाइ रोकेर उनीसंग रहेको झोला चेकजाँच गरेको थियो । त्यस क्रममा झोलाबाट लागुऔषध नुफ्रिन ३ सय ५० एम्पुल, डाइजीपाम ३ सय ५० एम्पुल र फेनारगन ३ सय ५० एम्पुल गरी १ हजार ५० एम्पुल लागुऔषध बरामद भएको हो ।
लागुऔषधसहित पक्राउ परेका सर्राफलाइ जिल्ला प्रहरी कार्यालयको हिरासतमा राखेर लागुऔषध सम्बन्धि कसूरमा अनुसन्धान अगाडि बढाइएको पर्साका प्रहरी प्रवक्ता प्रहरी नायव उपरिक्षक प्रल्हाद कार्कीले जानकारी दिए ।
प्रतिक्रिया दिनुहोस !
