भैरहवा : अंग्रेजी नयाँ वर्ष २०२२ को अवसरमा पौष १६ र १७ गते भैरहवामा फुड फेस्टिबल हुने भएको छ । युनिक साउण्ड र ओके मिडियाको आयोजनामा भैरहवाको उज्यालो चोक (सानु डिपार्टमेन्टल चोक)मा फुड फेस्टिबल हुने भएको हो ।
लुम्बिनी, बुटवल लगायत स्थानमा फुड फेस्टिबल आयोजना गरिएपनि भैरहवामा पनि स्थानीयको मनोरञ्जनका लागि कार्यक्रम आयोजना गरिएको पत्रकार समेत रहेका ओके मिडियाका संचालक मनोरञ्जन शर्माले बताए ।
उद्योग, ब्यपार संगठन रुपन्देही र सिद्धार्न होटल एशोसिएसन अफ नेपालको सहकार्यमा ‘नमस्ते भैरहवा फुड फेस्ट’ नाम दिएर आयोजना गरिएको उक्त कार्यक्रममा भैरहवा तथा यस आसपासरहेको थारु, मुस्लिम, नेवार, मगर लगायतका जातीगत खाना पस्किने तयारी भएको शर्माले जानकारी दिए ।
स्थानीय कलाकारमा लुकेका प्रतिभाको प्रर्दशनका लागि कार्यक्रममा स्थानीय कलाकारहरु प्रर्दशनमा जोड दिइएको र उनीहरुको विशेष प्रस्तुती रहने युनिक साउण्डका संचालक रहिस खाँनले जानकारी दिए । डिजेको समेत प्रस्तुति रहने उक्त कार्यक्रममा ४० बढी स्टेजका सांगितिक कार्यक्रमहरु हुनेछन् ।
प्रतिक्रिया दिनुहोस !
