काठमाडौं: नेकपा माओवादीका अध्यक्ष पुष्पकमल दाहाल 'प्रचण्ड'ले चुनावपछि पार्टीको संगठन र विचारको विकास गर्न विशेष अधिवेशन बोलाउने बताएका छन्। पार्टीको आठौं महाधिवेशनमा उनले पेस गरेको राजनीति प्रतिवेदन पारित भएपछि सञ्चारकर्मीसँग प्रतिक्रिया दिँदै उनले शनिबार पार्टीको विधान पारितसँगै नयाँ नेतृत्व चयन हुने बताए।
‘आज प्रतिवेशन जोरदाड ढंगले पारित भयो। हाम्रो महाधिवेशन बडो सभ्य, भव्यरुपमा अगाडि बढिरहेको छ। भोलि (शनिबार) विधान पारित हुन्छ। भोलि नै केन्द्रीय समिति निर्वाचित हुन्छ,’ प्रचण्डले सञ्चारकर्मीसँग भने।
संगठनको रुपान्तरण र विचारलाई अझ विकशित गर्नलाई चुनावपछि विशेष अधिवेशन गर्ने प्रचण्डले बताए। ‘यो नै टुंगियो, यो नै पूर्ण भयो भन्ने छैन। यहाँबाट ऐतिहासिक, वैचारिक विकासको सुरुवात भयो। चुनावपछि विशेष अधिवेशन गरेर हामी यसलाई अझै विकशित गर्छौं,’ प्रचण्डले भने।
प्रतिक्रिया दिनुहोस !
