वीरगन्ज : पर्सामा २ जना बालबालिका मृत भेटिएका छन् । पर्साको वीरगन्ज महानगरपालिका-१ जना वालिका र जगरनाथपुर गाँउपालिका-६ सन्ठी गाँउमा एक जना वालकको शव भेटिएको हो ।
नगवास्थित निर्माणाधिन एक घर छेउमै घोप्टो परेको अवस्थामा खातुनको शव भेटिएको पर्साका प्रहरी नायव उपरिक्षक ओम प्रकाश खनालले जानकारी दिए । शव शंकास्पद अवस्थामा भेटिएकाले हत्या गरिएको हुन सक्ने आशंका गरिएको छ । आशंकाको आधारमा ३ जनालाई नियन्त्रण्मा लिएर आवश्यक अनुसन्धान भईरहेको पर्साका प्रहरी प्रवक्ता खनालले बताए । शव पोष्टमार्टमका लागि नारायणी अस्पताल पठाईएको उनले बताए ।शवको पोष्टमार्टम रिपोर्ट आएपछि मात्रै मृत्युको कारण खुल्ने खनालले बताए ।
यस्तै पर्साकै जगरनाथपुर गाउँपालिका–६ सन्ठीमा पनि एक जना बालकको शव भेटिएको छ । घरबाट चार दिनदेखि हराइरहेका स्थानीय नागेश्वर पटेलका १२ वर्षीय छोरा मन्टु पटेल शनिबार बिहान मृत भेटिएका हुन् । गाउँ नजिकैको उखुबारीमा मन्टुको शव, घाटीमा गम्छाले कसिएको अवस्थामा भेटिएको हो ।
शनिबार बिहान घाँस काट्न उखुबारीमा गएकी एक महिलाले बालकको शव देखेकी थिइन् । त्यसपछि गाँउलेले प्रहरीलाई खबर गरेका थिए । बालकको शव पोस्टमार्टमका लागि वीरगन्जस्थित नारायणी अस्पतालमा पठाइएको प्रहरी नायव उपरिक्षक खनालले जानकारी दिए । बालकको हत्या गरिएको आशंका प्रहरीको छ ।
घटनामा संलग्न रहेको हुन सक्ने आशंकामा ४ जनालाई नियन्त्रणमा लिएर अनुसन्धान गरिरहेको खनालले जानकारी दिए ।
प्रतिक्रिया दिनुहोस !
