फिदिम : पाँचथर प्रहरीले १५३ थान सखुवाको चिरान काठसहित दुईजनालाई पक्राउ गरेको छ । फिदिम नगरपालिका १० पच्चिसेस्थित मे १ त ३६३३ नम्बरको ट्याक्टरमा लोड गरी राखेको ७५.५ क्युफिट काठसहित चालक र सहचालकलाई प्रहरीले पक्राउ गरेको हो ।
ट्याक्टर चालक फिदिम ३ लालिखर्क बस्ने ३० वर्षीय धनजित राई र सहचालक कुम्मायक गाउँपालिका २ यासोक बस्ने १९ वर्षीय बिनय लावतीलाई पक्राउ गरेको जिल्ला प्रहरी कार्यालय पाँचथरका प्रहरी नायब उपरीक्षक राकेस थापाले जानकारी दिए ।
काठसहित राई र लावतीलाई डिभिजन बन कार्यालय पाँचथमार बुझाइएको छ ।
प्रतिक्रिया दिनुहोस !
