काठमाडौं: महोत्तरीको बर्दिबास-३ गौरीडाँडाबाट बोलेरो पिक अपबाट प्रहरीले ८६ किलो गाँजा बरामद गरेको छ। सिन्धुपाल्चोक सुनकोशी गाउँपालिका-४ का गाडी चालक ३१ वर्षीय गाडी चालक रमेश राना मगरलाई पनि प्रहरीले नियन्त्रणमा लिएर छ।
बीपी राजमार्गस्थित सिन्धुलीबाट बर्दिबासतिर आउँदै गरेका बा१८च ३९५५ नम्बरको बोलेरोबाट गाँजा बरामद गरिएको इलाका प्रहरी कार्यालय बर्दिबासका इन्स्पेक्टर बालिष्ट सिंहले बताए।बो लेरो पिक अपमा फल्स हुड बनाइ भारततर्फ गाँजा पार गर्न लागिएको थियो। खैरो रङको प्लाष्टिकको टेपले बेरी ८ पोका ८६ किलो ३६५ ग्राम गाँजा लुकाइएको थियो।
इलाका प्रहरी कार्यालय बर्दिबास र लागुऔषध नियन्त्रण व्युरो शाखा कार्यालय वीरगञ्जबाट खटिएको टोलीले चेकजाँचका क्रममा गाडीसहित गाँजा बरामद गरिएको हो।
प्रतिक्रिया दिनुहोस !
