प्यूठान : प्यूठानमा जन्ती बोकेको जीप दुर्घटनामा परी मृत्यु हुने सबैको सनाखत भएको छ। शनिबार राती १ बजे बेहुली लिएर घरतर्फ जाँदै गरेको जीप गौमुखी गाउँपालिका ६ ओखरपाटामा दुर्घटना भएको थियो।
दुर्घटनामा एकै घरका तीन जनाको मृत्यु भएको छ। गौमुखी गाउँपालिका ६ लिवाङका ३९ वर्षीय बसन्त खड्का, उनकी श्रीमती ३९ वर्षीया बसन्ती खड्का र ११ वर्षीया छोरी एलिसा खड्काको घटनास्थलमै मृत्यु भएको छ। मृतक बसन्त खड्का नेपाली कांग्रेस गौमुखी गाउँपालिकाका उपसभापति समेत हुन्।
_20220205062156.jpg)
त्यस्तै, सोही ठाउँकी २९ वर्षीया केशरी खड्का, गाडी चालक ५२ वर्षीय बलबहादुर बुढामगर, ३२ वर्षीय खिमबहादुर खत्री, ५२ वर्षीया नन्दी खड्का र नौवहिनी गाउँपालिका ६ की २० वर्षिया विपना जिसी रहेका छन्।
घाइते ५ जनाको पनि सनाखत भएको छ। बेहुली नौवहिनी गाउँपालिका ६ किमिचौरकी २० वर्षीया रिमा जिसी, बेहुला गौमुखी ६ लिवाङका २५ वर्षीय दानबहादुर खड्का, सोही ठाउँका १७ वर्षीय नरेश खड्का, २१ वर्षीय हरि बुढामगर र नौवहिनी ६ की २५ वर्षीय सावित्रा जिसी घाइते भएका छन्।
ग १ ज ५०९२ नम्बरको जीप सडकबाट करिव १ सय ५० मिटर सडकबाट खसेको छ। जीपमा गाडी चालकसहित १३ जना जन्ती सवार रहेको जिल्ला प्रहरी कार्यालय प्यूठानका प्रवक्ता प्रहरी निरीक्षक देवीप्रसाद गैरेले जानकारी दिए।
प्रतिक्रिया दिनुहोस !
