महोत्तरी : मटिहानी नगरपालिकाको छेउमा शंकास्पद वस्तु फेला परेको छ। नगरपालिकाको कार्यालय धिरापुर र स्वास्थ्य चौकीको वीचमा वाटोछेउमा सो वस्तु फेला परेको हो।
उक्त फेला परेको शंकास्पद वस्तु टाईम बम रहेको प्रहरीले जनाएको छ।
विहान १० बजेको समयमा फेला परेको सो बमलाई नेपाली सेनाको रणभीम गण परिकौलीबाट गएको बम डिस्पोजल टोलीले दिउँसो १ बजेर ३० मिनेटको समयमा विस्फोट गराई नष्ट गरिएको प्रहरी उपरिक्षक कृष्ण प्रसाद पंगेनीले जानकारी दिए।
धिरापुरस्थित स्वास्थ्य कार्यालय र नगरपालिकाको कार्यालय अगाडि बम फेला परेपछि स्थानीयहरु त्रसित भएका थिए। बम कसले र किन राखिएको सम्बन्धमा प्रहरीले अनुसन्धान गरिरहेको प्रहरी पंगेनीले बताएका छन्।
प्रतिक्रिया दिनुहोस !
