काठमाडौं : युक्रेनमाथि रुसी हमलाको आज चौथो दिन हो। अहिलेसम्म के-के भयो संक्षिप्त बुदाँमा जानकारी-
- गए राति युक्रेनले यस्तो चेतावनी जारी गरेको थियो कि रसियाले किभमा मिसाइल आक्रमण गर्न सक्छ। अहिलेसम्म त्यस्तो भएको छैन। तर, चेतावनी भने दिइँदै आएको छ।
- रुसले बेलारुसमा वार्ताको प्रस्ताव राखेको छ तर युक्रेनले वार्ता अन्यत्र हुनुपर्ने बताएको छ।
- कीभ वरपर धेरै विस्फोटहरू भएको छ। किभबाट ३० किलोमिटर टाढा रहेको भासिल्किएभ आयल टर्मिनलमा मिसाइल प्रहार गरिएको हो। किभको प्रशासनले चेतावनी दिएको छ कि तेल टर्मिनल आक्रमणले आगलागी भएको छ र यसबाट विषाक्त धुवाँ निस्किरहेको छ, त्यसैले सबैले आफ्नो घरका झ्यालहरू बन्द राख्न आग्रह गरिएको छ।
- रुसी सेनाले युक्रेनको दक्षिणमा रहेको सहर नोभा काखोभका कब्जा गरेको छ। नगरका मेयरले यसबारे जानकारी दिएका छन्।
- यसैबीच रुसी सेना युक्रेनको दोस्रो ठूलो सहर खार्किभमा प्रवेश गरेको छ। स्थानीय एक अधिकारीले सो जानकारी दिएका हुन्। शहरमा ठूलो विस्फोटको आवाज पनि सुनिएको छ, ग्यास पाइपलाइनलाई निशाना बनाएर राखिएको बताइएको छ।
-अहिले खार्किवमा सडकमा युद्धको खबर छ। खार्किभका आवासीय क्षेत्रहरूलाई पनि निशाना बनाइएको छ। ९ तले भवनबाट मानिसहरु बाहिर निकालिएको र एक महिलाको मृत्यु भएको खबर पनि आएको छ।
- युक्रेनको उत्तरपूर्वी एक सहरमा कम्तीमा ६ जना सर्वसाधारणको मृत्यु भएको छ।
- पछिल्लो एक घण्टामा, बीबीसीको युक्रेन सेवाले खार्किभ र खेरसन क्षेत्रमा धेरै विस्फोटहरू भएको रिपोर्ट गरेको छ।
- ईयू, अमेरिका र अन्य पश्चिमी देशहरूले धेरै रूसी बैंकहरूलाई अन्तर्राष्ट्रिय भुक्तानी प्रणाली स्विफ्टबाट अलग गरेका छन्। उनले रूसको केन्द्रीय बैंकको सम्पत्ति पनि रोक्का गर्नेछन्।
- एकपछि अर्को देशले युक्रेनलाई हतियार सहयोग गरिरहेको देखिन्छ। पछिल्लो नाम अस्ट्रेलिया हो, जसले युक्रेनलाई रुसविरुद्ध हतियार किन्न आर्थिक सहयोग गर्ने बताएको छ। जर्मनीले आफ्नो नीति परिवर्तन गर्दै युक्रेनलाई हतियार दिने निर्णय गरेको बेला अस्ट्रेलियाले यो निर्णय गरेको हो।
-आज रुसले युक्रेनको ग्याल र तेल स्रोतलाई निशाना बनाएको छ। रुसले युरोपमा ग्यास पुर्याउने पाइपलाइनको पनि विस्फोट गराएको थियो।
प्रतिक्रिया दिनुहोस !
