धरानको कान्तिपुर होटलमा महिलाको शव फेला, सँगै बसेका पुरुष फरार
फागुन १७, २०७८ मंगलबार ११:३९:०
धरान : धरान उपमहानगर पालिका १८ स्थित कान्तिपु होटल एण्ड गेष्ट हाउसमा महिलाको शव फेला परेको छ। मंगलबार होटलका कामदारले कोठा सफा गर्ने क्रममा होटलमा बसेकी महिलाको शव देखेपछि प्रहरीलाई खबर गरेका थिए।
दुईदिनदेखि एक पुरुष र महिला होटेलमा बस्दै आएका थिए।
महिलासँगै बसेका पुरुष फरार रहेकाले महिलाको हत्या गरिएको हुन सक्ने इलाका प्रहरी कार्यालय धरानका डिएसपी नरेन्द्र कुँवरले बताए। होटलमा महिलाको शव भेटिएपछि घटना स्थलमा प्रहरी परिचालन गरी मुचुल्का तयार गरिरहेको उनले बताए।
मृतक महिलाको आफन्त आएपछि शव पोस्टमाटमका लागि बीपी कोइराला स्वास्थ्य विज्ञान प्रतिष्ठान लैजाने प्रहरीको तयारी छ। महिलासँगै बसेका पुरुषको खोजी गर्न प्रहरी परिचान गरिएको सिएसपी कुँवरले बताए।
होटल सञ्चालक सुशील जीमीले आइतबारदेखि एकपुरुष र महिला होटलको रुम लिएर बसेको बताए।
प्रतिक्रिया दिनुहोस !
