मुम्बई : केही समय अघि आमा बनेकी बलिउड तथा हलिउड अभिनेत्री प्रियंका चोपडा पछिल्लो समय विभिन्न कारणले चर्चामा रहने गरेकी छन्। अमेरिकी अभिनेता एवं गायक निक जोनससँग विवाह बन्धनमा बाँधिएकी प्रियंका सरोगेसीबाट आमा बनेकी हुन्।
अहिले अमेरिकामै बस्दै आएकी प्रियंकाले महाशिवरात्रीका अवसरमा भगवान महादेवको पूजा आराधना गरेकी थिइन्। उनले आफूले मात्रै महादेवको आराधना गरिनन्, पति निकसहित परिवारका सदस्यलाई पनि विशेष पूजामा सहभागी गराएकी थिइन्। उनले लसएञ्जलसको घरमै मन्दिरसमेत स्थापना गरेकी छन्।
विवाह गरेर अमेरिका गए पनि आफ्नो धर्म, संस्कृति र परम्परालाई निरन्तरता दिएको भन्दै सामाजिक सञ्जालमा उनको प्रसंशा भएको छ। प्रियंकाले आफ्ना शुभचिन्तकलाई सामाजिक सञ्जालमार्फत महाशिवरात्री पर्वको शुभकामना दिनुका साथै परिवारसँग बसेर महादेवको आराधना गरेको तस्बिर पनि सेयर गरेकी थिइन्।
प्रतिक्रिया दिनुहोस !
