चितवनमा मोटरसाइकल अनियन्त्रित भइ दुर्घटना : तीन जनाको मृत्यु
फागुन २८, २०७८ शनिबार ८:४९:०
चितवन : चितवनको पहाडी क्षेत्रमा मोटर साइकल दुर्घटना हुँदा तीन जनाको घटनास्थलमै मृत्यु भएको छ । शुक्रबार साँझ इच्छाकानमा गाउँपालिका २ रमाइलो डाँडा स्थित भित्री सडक खण्डमा दुर्घटना भएको हो।
शक्तिखोरतर्फ आउँदै गरेको प्रदेश २-०३-००२ प ५९८६ नम्बरको मोटरसाइकल आफैँ अनियन्त्रित भइ सडकबाट करिब ४ सय मिटर तल खसेको थियो।
दुर्घटनामा पाँच वर्षका बालकसहित तीन जनाको घटनास्थलमै मृत्यु भएको हो । दुर्घटनामा परेर मोटरसाइकल चालक इच्छाकामना गाउँपालिकापा २ का ३४ वर्षका नविन गुरुङ, पछाडी बस्ने इच्छाकामना ३ की ३० वर्षीया तृकि भन्ने प्रतिभा गुरुङ र उनको पाँच वर्षका छोरा आरोन गुरुङको मृत्यु भएको चितवन प्रहरीका प्रवक्ता डिएसपी नरहरी अधिकारीले बताए ।
प्रतिक्रिया दिनुहोस !
