नयाँ दिल्ली : अभिनेत्री तथा मोडल मलाइका अरोरा शनिबार मुम्बई-पुणे एक्सप्रेसवेमा खोपोली नजिक सडक दुर्घटनामा परी घाइते भएकी छन् । समाचार एजेन्सी पीटीआईले पारिवारिक स्रोतलाई उद्धृत गर्दै मलाइकालाई अस्पतालमा भर्ना गरिएको बताएको छ। उनी डाक्टरहरूको निगरानीमा छन्।
मलाइका पुनेबाट मुम्बई फर्किंदै गर्दा शनिबार साँझ करिब ५.४५ बजे घटना भएको एक प्रहरी अधिकारीले बताए ।
बस र दुईवटा गाडी ठोक्किए र तीमध्ये एउटा गाडी मलाइकाको एसयूभीसँग ठोक्कियो । मलाइकासँगै उनका चालक र अंगरक्षक पनि थिए । सोही मार्गबाट हिंडिरहेका एक एमएनएस नेताले मलाइकालाई आफ्नो कारमा मुम्बई लगेको बीबीसी समाचारमा उल्लेख छ।
प्रतिक्रिया दिनुहोस !
