काठमाडौं : कमल धिमालको शब्द तथा शिशिर योगीको संगीत र स्वरमा ‘चित्कार मेरो’ म्युजिक भिडियो सार्वजनिक भएको छ। सन् १९९० सालमा भुटानमा रहेका नेपाली भाषीमाथि भुटान सरकारले गरेको अत्याचार, दमन, शोषण, नेपाली भाषा, संस्कार, संकृति र धर्ममाथि लगाइएको प्रतिबन्ध र दमनको प्रतिकारजस्ता सत्य घटनामा आधारित भएर निर्माण गरिएको म्युजिक भिडियो परिवार प्रोडक्सन युट्युब च्यानलमार्फत सार्वजनिक गरिएको हो।
सन् १९९० डिसेम्बर १२ को मध्यरातमा आफ्नै घरबाट टिकाराम धिमाललाई गिरफ्तार गरी जेल चलान गरिएको थियो। एक वर्षपछि यातनाकै कारण जेलमै उनको मृत्यु भएको थियो। त्यही सत्य घटनामा आधारित भएर टिकारामको सम्झनामा छोरा कमल धिमालले हृदयविदारक शब्द लेखेका हुन्।
गीतको म्युजिक भिडियोमा सुरवीर पण्डित, रमा थपलिया र सूर्य नेपालीको अभिनय रहेको छ। म्युजिक भिडियोको निर्देशन प्रकाश धितालले गरेका छन्।
प्रतिक्रिया दिनुहोस !
