नयाँ दिल्ली : आलिया भट्ट र रणवीर कपुर आज विवाह गर्दै छन्। उनीहरुका फ्यानलाई यो खबरले निकै खुसी बनाएको छ। रणवीर र आलिया लामो समयदेखि एकअर्कालाई डेट गरिरहेका थिए। फ्यानहरु यो जोडीको बिहेको प्रतिक्षामा थिए ।
रणवीर–आलियाको बिहेको बारेमा दुबै परिवारले कुरा गोप्य राख्ने प्रयास गरेका थिए। विवाह कहिले हुँदैछ भनेर उनीहरु र उनीहरुका परिवारलाई प्रायः सोधिन्थ्यो ।
कयौं पटक दुबैको बिहेको झुटो खबर पनि बाहिर आएको थियो । केही समयदेखि उनीहरुको विवाहको चर्चा चलिरहेको थियो तर मितिलाई लिएर धेरै अड्कलबाजी गरिएको थियो । कहिले दुबैको बिहे १५ अप्रिलमा हुने भनिएको थियो भने कहिले १७ वा २० अप्रिलको मितिमा हुने कुरा आएको थियो । तर हिजो १३ अप्रिलमा सार्वजनिक भएका तस्विरहरुबाट रणवीर र आलियाको आज अर्थात १४ अप्रिलमा विवाह हुने कुरा स्पष्ट भएको छ । एबीपी न्युज
प्रतिक्रिया दिनुहोस !
