ट्रकको ठक्करबाट ६ वर्षीय बालकको मृत्यु
![ट्रकको ठक्करबाट ६ वर्षीय बालकको मृत्यु](https://annapurnapost.prixacdn.net/media/albums/truck_20220420173235_Y7HpDmNHax.jpg)
चितवन : ट्रकले साइकललाई ठक्कर दिँदा ६ वर्षीय बालकको मृत्यु भएको छ । बुधबार दिउँसो सवा तीन बजे पश्चिम राजमार्गको रत्ननगर नगरपालिका ९ स्थित भानु चोकमा पूर्वबाट पश्चिमतर्फ जाँदै गरेको बीआर ०६ जीडी ८६७२ नम्बरको भारतीय ट्रकले ठक्कर दिँदा साइकलमा सवार ६ वर्षीय प्रिन्स परियारको मृत्यु भएको हो । साइकलमा पछाडि बसेका परियारलाई उपचारका लागि भरतपुर अस्पताल पुर्याउनु अघि नै मृत्यु भएको जिल्ला प्रहरी कार्यालय चितवनका प्रवक्ता डीएसपी नरहरी अधिकारीले बताए ।
साइकल चलाउने बारा जितपुर ६ घर भइ हाल रत्ननगर ९ भानुचोक बस्ने १६ वर्षीय सौगात अलीको पुरानो मेडिकल कलेजमा उपचार भइरहेको छ । ट्रक चालक भारतको बारबंशी कोतवाली नगर पंचायत बंकी ८ घर भएका ३० वर्षीय मोनु कश्यप ईलाका प्रहरी कार्यालय टांडीको नियन्त्रणमा रहेको जिल्ला प्रहरी कार्यालय जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)