सिमरा : स्थानीय तहको निर्वाचनको लागि जीतपुरसिमरा उपमहानगरपालिकामा बिहीबार निर्वाचन अधिकृतको कार्यालय स्थापना गरिएको छ । उपमहानगरपालिकाको कार्यालयमा निर्वाचन अधिकृत टिकामणी न्यौपानेको कार्यालय स्थापना गरिएको हो ।
वैशाख ३० गतेका लागि तोकिएको निर्वाचन प्रक्रिया सम्पन्न गर्न अधिकृत न्यौपाने जीतपुरसिमरा आएका छन् । दुई दिन बारा आएका न्यौपानेले प्रमुख जिल्ला अधिकारी कृष्णबहादुर कटुवाल, प्रमुख निर्वाचन अधिकृत खिलनाथ रेग्मीसंग छलफल गरेपछि कार्यालय स्थापना गरेका हुन् ।
न्यौपानेलाई जीतपुरसिमराका उपमहानगरपालिकाका प्रमुख प्रशासकीय अधिकृत चेतकुमार पोखरेलले स्वागत गरेका थिए । निर्वाचन अधिकृतको कार्यालय स्थापना भएसंगै अधिकृत न्यौपानेले निर्वाचन कार्यतालिका सार्वजनिक गरेका छन् ।
अधिकृत न्यौपानेले जीतपुरसिमराको निर्वाचन प्रक्रियालाई विवादरहित ढंगबाट सफल बनाउनका लागि तयारी सुरु गरिएको बताए । अधिकृत न्यौपानेले निर्वाचनको तयारीका लागि शुक्रबार राजनीतिक दलहरुबीच छलफल गर्ने भएका छन् ।
प्रतिक्रिया दिनुहोस !
