उदयपुर : विप्लव नेतृत्वको नेपाल कम्युनिष्ट पार्टीले उदयपुरमा स्थानीय चुनावमा सहभागिता जनाएको छ। निर्वाचन आयोगमा पार्टी औपचारिकरुपमा दर्ता नभएको अवस्थामा उक्त पार्टीले उम्मेदवारी मनोनयन गर्ने अन्तिम दिनसम्म नेता तथा कार्यकर्तालाई स्वतन्त्र उमेदवारी दर्ता गराएका हुन्।
नेकपाले उदयपुरगढीको प्रमुखमा जितबहादुर पुलामी मगरलाई उठाएको छ। त्यस्तै सोही पालिकाको वडा नं.५ मा केशव श्रेष्ठ, ६ मा ढकबहादुर राउत र ८ मा रेबती श्रेष्ठलाई उम्मेदवार बनाएको जिल्ला इन्चार्ज विवेक कुमालले बताए।
पार्टीको केन्द्रीय नेतृत्वमा निर्वाचनमा सहभागि हुने कि नहुने विषयमा दुई लाईन संर्घष जारी रहँदा उदयपुरमा भने स्थानीय चुनावलाई उपयोग गर्ने योजना बनाएको छ। पार्टीले रास्ट्रवादी, एमसीसी विरोधी उम्मेदवारलाई सहयोग गर्ने घोषणा गरेको छ।
प्रतिक्रिया दिनुहोस !
