चितवन :भरतपुर महानगरपालिकाको मतगणना स्थलको तयारी गरिएको छ । मतगणना हुने स्थलमा सात फिट अग्लो तार जालीसहितको फलामको बार लगाइएको छ । चितवन उद्योग संघको प्रदर्शनी केन्द्रको ब्लक 'सी' मा मतगणना स्थल तोकिएको छ।
मतगणना स्थलमा आठवटा सीसी जडान गरिएको छ । मतपत्रको भण्डारण क्षेत्र , गणनास्थल , प्रतिनिधिसहित सबै निगरानी निर्वाचन आयोगले समेत गर्न मिल्ने गरी सीसी क्यामेरा राखिएको मुख्य निर्वाचन अधिकृतको कार्यालयका सूचना अधिकारी पुरुषोत्तम पौड्यालले बताए ।
वि. सं २०७४ को मत गणनाको क्रममा मत पत्र च्यातिएपछि अहिलेको गणनामा त्यस्तो नहोस् भनेर सबै खालको तयारी गरिएको जनाइएको छ। भरतपुर महानगरमा २९ वडा छन्। जहाँ १ लाख ८५ हजार ७ सय ५२ मतदाता छन्। महानगरमा लागि ६५ मतदान स्थालमा २०२ मतदान केन्द्र रहेको छ।
स्थानीय तह निर्वाचनमा भरतपुर महानगरपालिकामा मेयरमा गठबन्धनबाट रेणु दाहाललाई उम्मेदवार बनाएको छ।
प्रतिक्रिया दिनुहोस !
