उदयपुरगढी गापामा गठबन्धनको झिनो मतको अग्रता

उदयपुर : उदयपुरको उदयपुरगढी गाउँपालिकामा गठबन्धन (नेकपा एस)का अध्यक्षका उम्मेदवार मानबहादुर केप्छाकी मगरले झिनो मतले अग्रता लिएका छन्। 

वडा नं. १ मा २०० मत गणना गर्दा मगरले एमालेका उम्मेदवार गोपाल खत्रीलाई २ मतले अग्रता लिएका हुन्। त्यसैगरी उपाध्यक्षमा एमालेका उमेदवार शोभाकुमारी मगरले गठबन्धन कांग्रेसका जितबहादुर खड्कालाई १७ मतले पछि पारेकी छिन्। 

मगरले ८३ र खड्काले ६६ मत प्राप्त गरेका छन्। वडाध्यक्षमा नेकपा (एस)का उम्मेदवारले ८४ र एमालेका उम्मेदवारले ८१ मत प्राप्त गरेका छन्। वडा नं. १ गठबन्धनका अध्यक्षका उम्मेदवार मगरको क्षेत्र हो। 

उनी यसअघि २०७४ मा गाउँपालिका अध्यक्ष, २०४९ र २०५४ मा सोही वडा अर्थात तावाश्री गाविसको दुई कार्यकालका निर्वाचित अध्यक्ष हुन्। वडा नं १ गठबन्धनका लागि सबैभन्दा बलियो वडा मानिन्छ। अघिल्ला निर्वाचनमा सुर्य चिन्हबाट उम्मेदवार हुँदा अध्यक्ष मगरले सधै काँग्रेसका उम्मेदवारलाई तेब्बर मतले पछि पार्दै विजयी हुँदै आएका थिए।