वीरगन्ज : पर्साको पर्सागढी नगरपालिकामा निवर्तमान मेयर लोकनारायण यादवकै वडामा स्वतन्त्र उम्मेदवार वडाध्यक्षमा विजयी भएका छन्।
पर्सागढी नगरपालिका-६ को वडाध्यक्षमा लौरो चिन्ह पाएका स्वतन्त्र उम्मेदवार नवलकिशोर प्रसाद कलवार निर्वाचित भएका हुन्।
मङगलबार दिउँसो सकिएको उक्त वडाको मतगणनाको अन्तिम परिणाम अनुसार कलवार ४९८ मतका साथ वडाध्यक्षमा विजयी भएका हुन्।
कलवारका निकटतम प्रतिद्धन्द्धी नेकपा एमालेका रामनरेश प्रसाद यादवले भने ४५३ मत पाएका छन्।
कांग्रेसका मेयर उम्मेदवारसमेत रहेका निवर्तमान मेयर यादवको वडामा स्वतन्त्र उम्मेदवार कलवारले वडाध्यक्ष जित्दा कांग्रेसका वडाध्यक्षका उम्मेदवार किशोरीलाल अहिर भने ३२६ मत मात्रै पाउँदै तेश्रो स्थानमा सिमित भएका छन्।
प्रतिक्रिया दिनुहोस !
