छत्रेश्वरी गाउँपालिकामा एमाले विजयी
दाङ : छत्रेश्वरी गाउँपालिकामा एमाले विजयी भएको छ । गाउँपालिका अध्यक्ष पदमा एमालेका ओजबहादुर बुढाथोकी र उपाध्यक्षमा एमालेकै बुद्धाकुमारी खत्री विजयी भएका हुन्। अध्यक्ष बुढाथोकीले ३ हजार ८ सय ९२ मत लिए भने निकटतम प्रतिद्वन्द्वीहरु नेपाली कांग्रेसका केशबहादुर विष्टले २ हजार ६ सय २३ र माओवादी केन्द्रका प्रेम खडकाले २ हजार ५ सय ९ मत पाएका हुन्।
उपाध्यक्षमा विजयी भएकी खत्रीले ३ हजार ३ सय ८२ मत पाइन् भने उनकी प्रतिद्वन्द्वी कांग्रेसकी सीता गिरीले ३ हजार ४७ र नेकपा समाजवादीका राजबहादुर बुढाथोकीले १ हजार ९ सय ८८ मत पाए।
गाउँपालिका नेपाली कांग्रेस जिल्ला सभापति र उपसभापतिहरुको पालिका हो। कांग्रेसबाट अध्यक्षमा उम्मेदवार बिष्ट नेपाली कांग्रेस सल्यानका सभापति हुन्। जिल्ला समन्वय समितिको प्रमुखबाट राजीनामा दिएर अध्यक्ष उठेका थिए । उपसभापति सन्तोष केसी र चक्र बहादुर देवकोटा हुन्। केसी २०७४ स्थानीय तहको निर्वाचनबाट गाउँपालिका अध्यक्ष भएका थिए। पार्टीको जिल्लास्तरका प्रमुख नेतृत्वमा रहेको यस पालिकामा कांग्रेसले हार बेहोर्नु परेको छ।