खोटाङको दिक्तेल रुपाकोट मझुवागडी नगरपालिकाको मेयरमा कांग्रेसका तिर्थराज भट्टराई विजयी
जेठ ४, २०७९ बुधबार १०:३९:०
धरान : खोटाङको दिक्तेल रुपाकोट मझुवागडी नगरपालिकाको मेयरमा सत्तसाझेदार गठबन्धन कांग्रेसका तिर्थराज भट्टराई निर्वाचित भएका छन् ।
भट्टराईले एमालेका कुमार आचार्यलाई पराजित गर्दै मेयरमा विजयी बनेका हुन् ।
भट्टराईले ११३८९ मत प्राप्त गरी मेयरमा निर्वाचित भएका हुन्। उनका निकटतम प्रतिद्वन्द्वी आचार्य ६९९६ मत प्राप्त गरे ।
उपमेयरमा माओवादी केन्द्रका विसन राई निर्वाचित भएका छन् । उनले एमालेका विणादेवी राईलाई पराजित गर्दै उपमेयरमा विजयी बने । विसनले १०४३८ मत प्राप्त गरी विजयी भए ।
उनका निकटतम प्रतिद्वन्द्वी विणले ७३१९ मत प्राप्त गरिन् । विणा नगरपालिकाकी निवर्तमान उपमेयर हुन् ।
मेयरमा निर्वाचित भएपछि भट्टाईले जनताको हितमा काम गर्ने प्रतिबद्धता जनाएका छन् । उनले आफूले समग्र नगरको विकास र यहाँका जनताको पक्षमा काम गर्न सतिसालझै उभिने बताए ।
मेयरमा निर्वाचित तिर्थराज भट्टराई र उपमेयरमा निर्वाचित विसन राई ।
प्रतिक्रिया दिनुहोस !
