वीरगन्ज : पर्साको बहुदरमाइ नगरपालिकाको मेयरमा जनता समाजवादी पार्टी (जसपा) विजयी भएको छ।
बिहीबार दिउँसो सम्पन्न मत गणनाको अन्तिम परिणामअनुसार मेयरमा सिंगासन साह तेली ६ हजार ४ मतका साथ निर्वाचित भएका हुन्।
तेली, निकटतम प्रतिद्वन्द्वी एमालेका उम्मेदवार शिव पटेललाई ३४६ मतले पराजित गर्दै मेयरमा विजयी भएका हुन्। पटेलले ५ हजार ६५८ मत पाएका हुन्। निवर्तमान मेयर एवं कांग्रेसका उम्मेदवार नितेन्द्र साह भने तेस्रो स्थानमा रहे। उनले ५ हजार ५१६ मतमात्रै पाए।
मेयरमा निर्वाचित तेली, २०७४ सालको निर्वाचनमा भने स्वतन्त्र लडेर २ हजार ६३ मतका साथ चौथो स्थानमा सीमित भएका थिए।
उपमेयरमा भने एमालेकी उम्मेदवार सुष्मा कुमारी कुशवाहा विजयी भएकी छन्। कुशवाहा ६ हजार ४४० मतका साथ उपमेयरमा निर्वाचित भएकी हुन्।
उनकी निकटतम प्रतिस्पर्धी कांग्रेसकी सोनामति देवी यादवले ५ हजार ५२५ मत पाएकी छन्।
प्रतिक्रिया दिनुहोस !
