तुलसीपुर उपमहानगरमा सत्तारुढ गठबन्धन र एमालेबीच तीब्र प्रतिस्पर्धा, गिरी १११ मतले अगाडि
दाङ : दाङको तुलसीपुर उपमहानगरपालिकाको सत्तारुढ गठबन्धनका उम्मेदवार मेयर गेहेन्द गिरी अगाडि रहेका छन्। १९ हजार ३ सय ५४ मतगणना हुँदा नेपाली कांग्रेसका मेयर गेहेन्द गिरीले १ सय ११ मतले अग्रता कायम गरेका छन् । कांग्रेसका गिरीले ७ हजार ९९९ मत प्राप्त गर्दा एमालेका टिकाराम खड्काले ७ हजार ८८८ मत प्राप्त गरेका छन् ।
यसैगरी उपमेयरमा एमालेका स्यानी चौधरीले ७ सय ३३२ मत प्राप्त गर्दा गठबन्धन दलका एसका जोगबहादुर रानाले ६ हजार १ सय ८९ मत प्राप्त गरेका छन् । चौधरी र रानाबीचको मतान्तर १ हजार १ सय ४३ रहेको छ ।
वडा नं. ६ मा अध्यक्षको मत बराबर तुलसीपुर उपमहानगरपालिका-६ को अध्यक्षको मत परिणाम बराबर रहेको छ । गठबन्धनदलको तर्फबाट वडा अध्यक्षका उम्मेदवार नेपाली कांग्रेसका लोराज डाँगी र एमालेका दुजमान भण्डारीबीच कडा प्रतिस्पर्धा देखिएको छ। पछिल्लो मत परिणामअनुसार वडाको ३ हजार ५ सय मतगणना हुँदा दुवैको मत परिणाम बराबर रहेको छ। दुवैले १ हजार ३ सय ६० मत प्राप्त गरेका छन् ।