रुसी मुद्रा रुबल अचानक कसरी यति बलियो भयो?
मस्को : युक्रेनमा भएको आक्रमणपछि पश्चिमा राष्ट्रहरूले रुसमाथि चौतर्फी प्रतिबन्ध लगाएका छन्। यी प्रतिबन्धहरूले रुसको अर्थतन्त्रमा ऐतिहासिक गिरावट ल्यायो तर रुसको मुद्रा रुबल पूर्णतया फरक बाटोमा छ। रुबल यो साता सन् २०१८ यताकै सबैभन्दा बलियो बनेको छ।
वाल स्ट्रिट जर्नलको रिपोर्ट अनुसार रुबल यस वर्ष डलरको तुलनामा उत्कृष्ट मुद्रा बनेको छ। २०२२ मा, रूबल ग्रीनब्याकको तुलनामा २२ प्रतिशत बढेको छ। सामान्यतया अर्थव्यवस्था कमजोर भयो भने त्यहाँ मुद्रा पनि कमजोर हुन्छ।
बिहीबार रुसका केन्द्रीय बैंकले ब्याजदर १४ प्रतिशतबाट ११ प्रतिशतमा पुर्याएको छ। रुसले युक्रेनमा आक्रमण गर्दा ब्याजदर ९.५% बाट २०% सम्म बढाएको थियो। यो ८ अप्रिलमा १७ प्रतिशत र १९ अप्रिलमा १४ प्रतिशतमा ब्याजदर झारेको थियो।
रुसको केन्द्रीय बैंकले अर्थतन्त्र अझै संकटबाट बाहिर नआएको बताएको छ। क्यापिटल मार्केट कम्पनीको तथ्यांकअनुसार बिहीबार डलरको तुलनामा रुबल ६० मा कारोबार भइरहेको थियो। यो चैत ७ गते १५८ थियो।
वाल स्ट्रिट जर्नलले आफ्नो रिपोर्टमा लेखेको छ कि रूसले सीमित रूपमा चीजहरू बेचिरहेको छ र तिनीहरूलाई आफ्नै मुद्रामा किन्न बाध्य पारिरहेको छ। यसको प्रत्यक्ष असर रुबलको मूल्यमा परेको छ। क्यापिटल मार्केट कम्पनीको तथ्यांकअनुसार बिहीबार डलरको तुलनामा रुबल ६० मा कारोबार भइरहेको थियो जुन चैत ७ गते १५८ मा थियो। बीबीसी