मनाइयो रातो मच्छिन्द्रनाथको भोटो जात्रा (फोटो फिचर)

ललितपुर : वर्षा र सहकालका देवताका रूपमा मानिने रातो मच्छिन्द्रनाथको भोटो देखाउने जात्रा ललितपुरमा सम्पन्न भएको छ। शनिबार जावलाखेलमा विशेष समारोहबीच मच्छिन्द्रनाथको भोटो देखाइएपछि रथजात्रा पनि औपचारिकरुपमा सम्पन्न भएको हो।

भोटो जात्रा समारोहमा राष्ट्रप्रमुखका रुपमा राष्ट्रपति विद्यादेवी भण्डारी सरिक भई मच्छिन्द्रनाथको भोटो अवलोकन गरेकी थिइन्। राष्ट्रपति भण्डारीलाई नेपाली सेना, नेपाल प्रहरीको सलामी अर्पण गरेको थियो। 

सोही अवसरमा राष्ट्रपति भण्डारीले मच्छिन्द्रनाथको दर्शन गरेकी थिइन्। मच्छिन्द्रनाथको रथलाई जाउलाखेल पुर्‍याएको चार दिनपछि भोटो देखाउने जात्रा हुने परम्पराअनुसार भोटोजात्रा मनाइएको हो। 

मच्छिन्द्रनाथलाई अन्नदाता, पानी पार्ने देवताका रुपमा तथा अनिष्ट र अनिकाललाई सामना गर्ने देवताका रुपमा मानिने भएकाले पनि यसको पुरातात्विक, ऐतिहासिक, सांस्कृतिक र धार्मिक महत्व रहिआएको छ।