राजविराज : सप्तरीको राजविराज–रूपनी सडक खण्डस्थित गाउँपालिकामा मङ्गलबार दिउँसो भएको गाडी दुर्घटनामा १ महिलाको मृत्यु भएको छ भने १० जना यात्री घाइते भएका छन्।
रूपनी गाउँपालिका–५ मुसहरनीया बसबिट्टीमा रूपनीबाट राजबिराज आउँदै गरेको प्र ३–००१ ज ०२७७ नम्बरको यात्रुवाहक विङ्गर गाडी अनियन्त्रित भई दुर्घटना हुँदा १ महिलाको मृत्यु भएको सप्तरी प्रहरीले जनाएको छ। घाईते रूपनी गाउँपालिका–१ नरकटी बस्ने ६८ वर्षीया तारावती देवी यादवको उपचारका क्रममा मृत्यु भएको सप्तरीका डिएसपी माधवप्रसाद काफ्लेले बताए।
दुर्घटनामा सिरहाको कर्जन्हा नगरपालिका–८ का ३६ वर्षीय ओमनरायण पासवान, उनीकी श्रीमती ३१ वर्षीया इन्द्रदेवी पासवान र निजहरूका छोरा ७ वर्षीय आनन्द पासवान, सप्तरीको डाक्नेश्वरी नगरपालिका–१ की ३३ वर्षीया लिलादेवी सदा र ३४ वर्षीय धर्मेन्द्र सदा घाइते भएका छन्।
यसैगरी रूपनी गाउँपालिका–२ की ३० वर्षीया निर्मलादेवी मण्डल, ३२ वर्षीय गौरी मण्डल, रूपनी गाउँपालिका–३ कटैयाका ३४ वर्षीय रामा कुमार साह, सप्तरीकै शम्भुनाथ नगरपालिका–६ कठौनाका ४५ वर्षीया बिलेवति देवी साह, शम्भुनाथ नगरपालिका–११ का ५६ वर्षीय रामनारायण चौधरी घाइते भएका छन्।
घाईतेहरूको राजविराजस्थित गजेन्द्रनारायण सिंह अस्पतालमा उपचार भईरहेको छ। दुर्घटनाग्रस्त गाडी प्रहरीको नियन्त्रणमा रहेको प्रहरीले जनाएको छ।
प्रतिक्रिया दिनुहोस !
