फिदिम : ट्याङ्करको ठक्करबाट घाइते भएका सुनसरी रामधुनी नगरपालिका ७ का २६ वर्षीय प्रेम घिसिङको मृत्यु भएको छ । झापाको बिर्तामोड स्थित बि एण्ड सी अस्पतालमा उपचारको क्रममा घिसिङको मृत्यु भएको हो।
पाँचथरको हिलिहाङ गाँउपालिकाको सल्लेरी स्थित मेची राजमार्गमा च्याङ्थापुबाट झापातर्फ गइरहेको मे १ ख २४९४ नम्बरको ट्याङ्करले ताप्लेजुङतर्फ जाँदै गरेको को ५ प २३३० नम्बरको मोटरसाइकललाई ठक्कर दिएको थियो । ट्याङ्करको ठक्करबाट मोटरसाइकलमा सवार घिसिङ र २६ वर्षीया उनकी श्रीमती कन्चन मगर घाइते भएका थिए ।
घाइते मगरको बीएण्डसी अस्पतालको आइसीयु कक्षमा राखेर उपचार भइरहेको छ । ट्याङ्कर चालक झापाको सुरुङ्गा नगरपालिका २ का ३३ वर्षीय निमा तामाङलाई नियन्त्रणमा लिइएको जिल्ला प्रहरी कार्यालय पाँचथरले जनाएको छ ।
प्रतिक्रिया दिनुहोस !
