काठमाडौं : पछिल्लो २४ घन्टामा थप ५५ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभर गरिएको १ हजार ५ सय ३२ नमूनाको पीसीआर परीक्षणबाट ३६ जना र १ हजार १ सय ६६ नमूनाको एन्टीजेन परीक्षणबाट १९ जनामा कोरोना संक्रमण पुष्टि भएको हो । बुधबार मात्रै ६२ जनामा संक्रमण देखिएको थियो।
कोरोनाका कारण बिहीबार कसैको मृत्यु नभएको स्वास्थ्य मन्त्रालयले जनाएको छ ।
त्यस्तै, आज थप १७ संक्रमित कोरोनामुक्त भएका छन्। योसहित हालसम्म नेपालमा ९ लाख ६७ हजार ४ सय ६२ जना निको भएका छन् ।
हाल नेपालमा २ सय ८० सक्रिय संक्रमित मन्त्रालयले जनाएको छ ।
पछिल्लो २४ घन्टामा थप ३ लाख १६ हजार ४७७ जनाले कोरोनाविरुद्धको खोप लगाएका छन्।
प्रतिक्रिया दिनुहोस !
