बारामा चट्याङ लागेर खेतमा काम गरिरहेका एकजनाको मृत्यु , दुई घाइते
असार १७, २०७९ शुक्रबार १६:४:०
वीरगन्ज : बारामा शुक्रबार दिउँसो चट्याङले लागेर एकजना किसानको मृत्यु भएको छ ।
चट्याङले लागेर एकजना बालिकासहित दुईजना घाइते पनि भएका छन् ।
मृत्यु हुनेमा सुवर्ण गाउँपालिका वडा नम्बर ७ सनफुलवाका २० वर्षीय धीरज प्रसाद यादव रहेका छन् ।
शुक्रबार दिउँसो आफ्नै खेतमा काम गरिरहेका बेला अचानक खसेको चट्याङले लागेर यादवको घटनास्थलमै मृत्यु भएको हो ।
त्यहि ठाउँमा चट्याङले लागेर सनफुलवाकै २८ वर्षीय नेतालाल पंडित र भरोस यादवकी छोरी ८ वर्षीया कुमारी यादव घाइते भएका छन् ।
घाइते दुवैजनाको स्थानीय मेडिकलमा उपचार गरिएको र दुवैजनाको अवस्था समान्य रहेको बाराका प्रहरी प्रवक्ता प्रहरी नायव उपरीक्षक राजेश थापाले जानकारी दिए ।
प्रतिक्रिया दिनुहोस !
