दक्षिण अफ्रिकाको जोहानसबर्गको बारमा गोली हानाहान, १४ जनाको मृत्यु, तीन घाइते
असार २६, २०७९ आइतबार १४:२२:०
जोहानसबर्ग :दक्षिणी अफ्रिकाको जोहानसबर्गको एक बारमा गोली चलेको छ।
गोली प्रहारबाट १४ जनाको मृत्यु भएको छ भने ३ जना घाइते भएको बताइएको छ।
घाइतेहरुलाई नजिकको अस्पतालमा भर्ना गरिएको छ। प्रहरीका अनुसार जोहानिसबर्गको सोवेटो टाउनसिपमा रहेको एक बारमा गोली हानाहान भएको हो।
घटना शनिबार रातीको हो।
मिनीबसमा आएको एक समूहले बारका गार्डमाथि गोली चलाएका थिए।
गौतेङ प्रान्तका प्रहरी आयुक्त लेफ्टिनेन्ट जनरल इल्यास मावेलाका अनुसार गोली प्रहारमा एकभन्दा बढीको संलग्नता रहेको बताएका छन्।
प्रतिक्रिया दिनुहोस !
