भारतमा राष्ट्रपतिको निर्वाचन सुरु, मुर्म र सिन्हाबीच प्रतिष्पर्धा
नयाँ दिल्ली : भारतमा आज राष्ट्रपति चयनका लागि निर्वाचन सुरु भएको छ। निर्वाचनमा सत्तारुढ दल राष्ट्रिय लोकतान्त्रिक गठबन्धनबाट द्रौपदी मुर्म र विपक्षी दलबाट यशवन्त सिन्हाबीच प्रतिष्पर्धा हुँदैछ। सत्तारुढ दलकी उम्मेदवार मुर्म विपक्षी दलका उम्मेदवारभन्दा बलियो देखिएकी छन् ।
भारतीय सञ्चारमाध्यमका अनुसार मुर्मलाई अन्य दलहरुले समेत समर्थन गरेका छन् । १५ औं राष्ट्रपतिका लागि निर्वाचन हुन लागेको हो । बिहान १० बजेबाट सुरु भएको निर्वाचन ५ बजेसम्म जारी रहनेछ ।
निर्वाचनको नतिजा बिहीबार सार्वजनिक हुने बताइएको छ । भारतका दुवै सदन, राज्य विधानसभा सदस्यहरुले मतदान गर्न गर्नेछन् । सत्तारुढ गठबन्धनकी उम्मेदवार मुर्मले भारतको आदिवासी समुदायलाई प्रतिनिधित्व गर्छिन् ।