भारतमा राष्ट्रपति निर्वाचनको मतगणना ११ बजेबाट : मतपरिणाम आजै घोषणा हुने
साउन ५, २०७९ बिहीबार ११:७:०
नयाँ दिल्ली : बिहीबार(आज) भारतमा १५औँ राष्ट्रपतिको नाम घोषणा हुने भएको छ। जुलाई १८ मा भएको राष्ट्रपति निर्वाचनमा संसद र व्यवस्थापिका दुवै सदनका निर्वाचित सदस्यले मतदान गरेका थिए। सो मतको गणना आज बिहान ११ बजेबाट हुने भएको हो।
मतगणनाका लागि सबै प्रदेशका विधान सभाको मतपेटिका संसद भवनमा पुगिसकेको छ । भारतका राष्ट्रपति रामनाथ कोविन्दको कार्यकाल जुलाई २४ मा सकिँदैछ।
यस पदका लागि एनडीएबाट द्रौपदी मुर्मु उम्मेदवार छन् भने विपक्षी दलबाट यशवंत सिन्हा उम्मेदवार छन् ।
यसपटक राष्ट्रपति निर्वाचनमा जम्मा चार हजार ८०७ मतदाता थिए। यसमा राज्यसभाबाट २३३ विधायक, लोकसभाबाट ५४३ र विधान सभाका ४ हजार ३३ विधायकहरू सामेल छन्।
प्रतिक्रिया दिनुहोस !
