काठमाडौं : विश्वभरका ५६ करोड ८६ लाख ९६ हजार ६७५ जनामा कोरोना संक्रमण पुष्टि भएको छ। जोन्स हप्किन्स युनिभर्सिटी प्रणाली विज्ञान र इन्जिनियरिङ केन्द्रले गरेको सर्वेक्षणबाट उक्त डाटा सार्वजनिक भएको हो।
सो केन्द्रले कोभिड-१९ बाट विश्वका सबैभन्दा बढी प्रभावित देशको विवरण प्रकाशन गरेको छ । शनिबार प्रकाशित विवरणमा विश्वमा कोरोना सङ्क्रमित बिरामीको सङ्ख्या ५६ करोड ८६ लाख ९६ हजार ५ सय ७५ पुगेको देखाइएको छ ।
सो विवरणअनुसार सबैभन्दा बढी संक्रमित अमेरिकामा रहेका छन्। अमेरिकाका ९ करोड ३ लाख ५ ८ हजार ९८८ जनामा संक्रमण पुष्टि भएको छ। त्यस्तै दोस्रो स्थानमा बढी संक्रमित देखिएको देश भारत हो। भारतमा ४ करोड ३८ लाख ४७ हाजार ६५ जनामा संक्रमण देखिएको छ।
त्यस्तै जोन्स हप्किन्स युनिभर्सिटी प्रणाली विज्ञान र इन्जिनियरिङ केन्द्रका अनुसार त्यसपछि संक्रमित बढि भएका देशहरु र तिनको क्रमश: फ्रान्समा ३ करोड ३६ लाख २१ हजार ३१०, ब्राजिलमा ३ करोड ३५ लाख ५५ हजार ५२६ संक्रमित रहेका छन्। कोरोना संक्रमितको संख्या जर्मनीमा ३ करोड २३ लाख ९१ हजार २२, बेलायतमा २ करोड ३४ लाख २२ हजार ७११, इटालीमा २ करोड ५३ लाख ९ हजार १६, दक्षिण कोरियामा १ करोड ९० लाख ७७ हजार ६५९, रूसमा १ करोड ८२ लाख ४७ हजार ७७० रहेको छ।
प्रतिक्रिया दिनुहोस !
