काठमाडौं : स्रोत नखुलेको साढे ४९ लाखसहित एक जना पक्राउ परेका छन्। काठमाडौं-६ भृकुटीचोकबाट ४९ लाख ५० हजार ५० रुपैयाँसहित २४ वर्षीय धावा घ्याल्चेन प्रक्राउ परेका हुन्।
प्रहरी प्रभाग कपनबाट खटिएका प्रमुख प्रहरी सहायक निरीक्षक नवराज सापकोटा नेतृत्वको टोलीले उनीसँग रहेको झोलाबाट ३२ लाख ५० रुपैयाँ र उनको कोठामा खानतलासी गर्दा थप १७ लाख ५० हजार रुपैयाँ बरामद गरेको थियो।
'एनएस पल्सर मोटरसाईलबाट आएका धावा घ्याल्चेन शंकास्पद अवस्थामा फेला परेका थिए। कागजात माग्दा भाग्न खोजेपछि तत्कालै नियन्त्रणमा लिएका थियौं। उनीसँग रहेको झोलाभित्र ३२ लाख रुपैयाँ थियो। स्रोत माग्दा देखाउन सक्नुभएन,' उनले भने।
प्रहरीले गोरखा घर भएका धावालाई बा९९प ७२०४ नम्बरको मोटरसाइकलसहित नियन्त्रणमा लिएको थियो। रकमको स्रोत खुलाउन नसकेपछि धावालाई नियन्त्रणमा लिइ अनुसन्धान गरिरहेको ट्राफिक प्रहरी प्रभाग कपनले जनाएको छ।
प्रतिक्रिया दिनुहोस !
