रियाद : साउदी अरेबियास्थित नेपाली राजदूत नवराज सुवेदीले पदबहाली गरेका छन्। हिमालय एयरलायन्सको उडानबाट राजधानी रियाद आइपुगेका सुवेदी आजै पदबहाली गरेका हुन्।
उनलाई विमानस्थलमा साउदी अरबको विदेश मन्त्रालयका शिष्टाचार विभागका अधिकारी र राजदूतावासका नियोग उप प्रमुख दिलीप पौडेललगायतले स्वागत गरेका थिए।
पूर्व राजदुत महेन्द्र सिंह राजपूतको कार्यकालको समाप्तिसँगै नेपालमा राजनीतिक किचलोका कारण साउदी दूतावास राजदूतविहीन अवस्थामा थियो।
पदबहालीसँगै राजदूत सुवेदीले साउदीमा कार्यरत नेपालीहरुको समस्या समाधानका निम्ति खट्ने विश्वास नेपाली कामदारको छ। साउदीमा वैधानिक र अवैधानिक रूपमा लगभग ४ लाख नेपाली कार्यरत रहेका छन्।
प्रतिक्रिया दिनुहोस !
