जीप दुर्घटनामा एकको मृत्यु, आठ जनाले हामफालेर ज्यान जोगाए
असोज ६, २०७९ बिहीबार २३:२:०
दार्चुला : दार्चुलामा जीप दुर्घटना हुँदा एक जनाको मृत्यु भएको छ। आठ जनाले हामफालेर ज्यान जोगाएका छन्। जिल्लाको मार्मा गाउँपालिका लटिनाथबाट अपिहिमाल गाउँपालिका-५ तिम्ला जाँदै गरेको म १ ज २३३ नम्बरको बोलेरो जीप साँझ साढे ८ बजे तिर दुर्घटना भएको हो।
जीप दुर्घटना हुँदा अपिहिमाल गाउँपालिका-६ का १८ वर्षीय दिनेशसिंह धामीको मृत्यु भएको अपिहिमाल गाउँपालिका अध्यक्ष भगतसिंह ठेकरे बोहराले बताए।
जीपमा सवार नौजना रहेको बुझिएको छ। नौमध्ये आठ जनाले हाम फालेर ज्यान जोगाएका छन्। एकजनाको घटनास्थलमै मृत्यु भएको प्रहरीले जनाएको छ। जीप सडकबाट लगभग २ सय मिटर तल खसेको छ।
प्रतिक्रिया दिनुहोस !
६
