हेटौंडा : हेटौंडा उपमहानगरपालिका-४ हुप्रचौरमा रहेको सूचना प्रविधि केन्द्र अन्तर्गत रहेको डिजास्टर रिकभरी सेन्टरमा आगलागी भएको छ।
केन्द्रको ब्याट्री ब्याकपमा करेन्ट सट भएर आगलागी भएको प्रहरी उपरीक्षक बामदेव गौतमले बताए।
आगो निभाउन हेटौंडा उपमहानगरको दमकलसहित जिल्ला प्रहरी कार्यालय, बागमती प्रदेश प्रहरी कार्यालयको टोली परिचालन भएको उनले बताए।
घटनास्थलमा प्रहरी निरीक्षक रामचन्द्र घिमिरेको टोली खटिएको छ। घिमिरेका अनुसार आगलागी नियन्त्रणमा आइसकेको छैन।
आगलागी कारण कतिपय सरकारी अनलाइन सेवा तथा सूचना प्रणालीमा असर पर्न सक्ने देखिएको छ।
प्रतिक्रिया दिनुहोस !
