हेटौंडा : मकवानपुरको भीमफेदी गाउँपालिका-६ सिमल्टारमा सवारी दुर्घटना हुँदा १० जना घाइते भएका छन्।
घाइतेहरूलाई उपचारका लागि मदन भण्डारी स्वास्थ्य विज्ञान प्रतिष्ठान हेटौंडा अस्पताल ल्याइएको जिल्ला प्रहरी कार्यालय मकवानपुरका प्रहरी उपरीक्षक बामदेव गौतमले जानकारी दिए।
घाइतेमध्ये तीन जनाको अवस्था गम्भीर रहेको र उनीहरूलाई आवश्यक परे थप उपचारका लागि भरतपुर वा काठमाडौं रेफर गर्नुपर्ने हेटौंडा अस्पतालले जनाएको छ।
आइतबार दिउँसो काठमाडौंबाट हेटौंडातर्फ आउँदै गरेको ना १ ज ५५२३ नम्बरको सुमो अनियन्त्रित भएर पल्टिएको थियो।
घाइतेहरूको पहिचान खुलेको छैन।
प्रतिक्रिया दिनुहोस !
