भक्तपुर : भक्तपुरमा टिचर ट्रेनिङ्ग अन पेडागोजी एण्ड डाइभरसिटी इन इंगलिश ल्यांग्वेज टिचिङ्ग विषयमा दुईदिने तालिम सम्पन्न भएको छ।
इन्टिग्रेटेड डेभलपमेन्ट एण्ड टान्सफरमेशन (आइडीटी) नेपालको आयोजनामा तालिम भएको हो।
अमेरिकी तालिम सहजकर्ताहरू/प्रशिक्षकहरू डा. टुङ्डे सेपेली, आस्ले टेसारोलो र जर्ज नियरिङले तालिम दिएका थिए।
रिजनल इंगलिश ल्यांग्वेज अफिस (आरइएलओ), अमेरिकी दूतावास काठमाडौंको आर्थिक तथा शैक्षिक सहयोगमा हिसान भक्तपुरको सहकार्यमा तालिम भएको हो।
तालिममा हिसान भक्तपुर आवद्ध र अन्य विद्यालयका ३७ जना शिक्षक शिक्षिकाको सहभागिता रहेको थियो।
कार्यक्रममा हिसान भक्तपुरका अध्यक्ष तथा मोडर्न स्कुल र कलेज सृजनानगर भक्तपुरका प्राचार्य अनिल कस्पालले स्वागत गर्दै स्वस्तिक कलेजको व्यवस्थापनका लागि धन्यवाद दिए।
तालिममा सहभागी सबै प्रशिक्षार्थीहरूलाई अमेरिकी दुतावास नेपाल आरईएलओ नेपालको कार्यक्रम विशेषज्ञ विश्वराज गौतम, प्रशिक्षकहरू र हिसान भक्तपुरका अध्यक्ष अनिल कस्पालद्वारा प्रमाणपत्र वितरण गरिएको थियो।
तालिमको दौरानमा आईडीटी नेपालका एक्सिस कोअर्डिनेटर मधुकर पाण्डेय र आईडीटी नेपालको तालिम संयोजक दिपा सिलवालले विद्यार्थीहरूले घरमै बसेर कसरी अमेरिकी अनलाइन कक्षाहरू लिई प्रमाणपत्र प्राप्त गर्न सकिन्छ भन्ने बारेमा पनि प्रस्तुत गरिएको थियो।
प्रतिक्रिया दिनुहोस !
