हेटौंडा : राप्रपा नेपालका अध्यक्ष कमल थापाले सुटुक्क मनोनयन दर्ता गराएका छन्। नेकपा एमालेको समर्थनमा सूर्य चिन्हमा मकवानपुर प्रतिनिधिसभा-१ बाट उनले उम्मेदवारी मनोनयन दर्ता गराएका हुन्।
उनी भाइ गणेश थापा, श्रीमती र नेता राजाराम बर्तौलालाई लिएर मनोनयन दर्ता गर्न पुगेका थिए। कार्यकर्ता नलिइ गाडीमा गएका उनले सवा १ बजे मनोनयन दर्ता गरे। एमालेको चुनाव चिन्हमा मनोनयन दर्ता गरेपनि उनको साथमा एमाले नेता कार्यकता थिएनन्।
उनलाई टिकट दिएको विरोधमा कार्यकर्ताले एमाले मकवानपुर पार्टी कार्यालयमा तालाबन्दी गरेका छन्। थापाले असन्तुष्ट एमाले कार्यकतालाई मनाएर चुनावमा अघि बढ्ने बताए।
प्रतिक्रिया दिनुहोस !
४
