हेटौंडा : मकवानपुरको भीमफेदी गाउँपालिका वडा नम्बर–८ इपामा एकजना युवकको शव फेला परेको छ। इपा खोलाले बगाउँदै गरेको अवस्थामा स्थानीयले अन्दाजी ३०/३२ वर्षीय युवकको शव फेला पारेका थिए।
मृतकको हालसम्म सनाखत नभएको इलाका प्रहरी कार्यालय भीमफेदीमा कार्यरत प्रहरी निरीक्षक प्रतिमा श्रेष्ठले जानकारी दिइन्। युवकको शव सोमबार बिहान खोलामा बगिरहेको अवस्थामा अर्धनग्न अवस्थामा फेला परेको श्रेष्ठले जानकारी दिइन्।
शवलाई पोष्टमार्टमको लागि हेटौंडा अस्पताल ल्याइएको जिल्ला प्रहरी कार्यालय मकवानपुरले जनाएको छ। मृतकको सनाखतको प्रयास भइरहेको र पोष्टमार्टम् पश्चात मृत्युको कारणबारे पनि थाहा हुने प्रहरीको भनाइ छ।
प्रतिक्रिया दिनुहोस !
