स्याङ्जा: नवौँ राष्ट्रिय खेलकुद प्रतियोगिता अन्तर्गत वालिङमा सञ्चालित राष्ट्रिय महिला फूटबल प्रतियोगिताको सेमिफाइनल समीकरण पूरा भएको छ । योसँगै नेपाल प्रहरी र सशस्त्र प्रहरीको एपीएफ क्लब उपाधीका लागि भिड्ने छ ।
मंगलबार सम्पन्न सेमीफाइनलका खेलबाट नेपाल पुलिस क्लब र एपीएफ क्लबले फाइनल यात्रा तय गरेका हुन् । फाइनल खेल कात्तिक ३ गते हुनेछ।
सेमिफाइनलमा पुलिसले प्रदेश १ र एपीएफले त्रिभुवन आर्मी क्लवलाई पराजित गरेका थिए ।
प्रतियोगिताको पहिलो खेलमा पुलिसले प्रदेश १ लाई ३-० गोल अन्तरले पराजित गर्दै फाइनल यात्रा तय गर्यो । पुलिसकी रेखा पौडेल, निर्मला विक र निर्मला उपाध्यायले एक/एक गोल गरे ।
त्यस्तै दोस्रो खेलमा एपीएफले आर्मीलाई एक शुन्य गोल अन्तरले पराजित गर्दै फाइनलमा पुगेको हो । मध्यान्तर पछिको खेलमा सावित्रा भण्डारीको गोलले एपीएफलाई फाइनलमा पुर्यायो ।
अब पुलिस र एपीएफबीचको उपाधी भिडन्त कात्तिक ३ गते बिहीबार हुनेछ । असोज २७ देखि वालिङ्मा जारी राष्ट्रिय महिला फूटबल प्रतियोगितामा तीन विभागीय टिमसहित १० समूहबीच प्रतिस्पर्धा भएको थियो।
प्रतिक्रिया दिनुहोस !
