कपिलवस्तुमा सशस्त्र प्रहरी सवार ट्रक दुर्घटना : २ जनाको मृत्यु, आधा दर्जन घाइते
कात्तिक ४, २०७९ शुक्रबार २१:२६:०
कपिलवस्तु : कपिलवस्तुमा सशस्त्र प्रहरी सवार ट्रक दुर्घटना हुँदा दुई जनाको मृत्यु भएको छ।
शुक्रबार साँझ जिल्लाको बाणगंगा नगरपालिका-३, सिउटीमा भएको सशस्त्र प्रहरीको ट्रक दुर्घटनामा साइकलमा सवार यात्रुसहित एक जना सशस्त्र प्रहरीको मृत्यु भएको हो।
चार नम्बरबाट तौलिहवातर्फ जाँदै गरेको सशस्त्र प्रहरीको ट्रक अनियन्त्रित हुँदा साइकलमा सवार यात्रीलाई ठक्कर दिँदै दुर्घटनामा परेको प्रत्यक्षदर्शीले बताएका छन्।
मृत्यु हुनेमा सवारी चालक सशस्त्र प्रहरी रमेश चौधरी रहेको प्रहरीले जनाएको छ। यस्तै स्थानीय अमर तङनामीको पनि निधन भएको प्रहरीको भनाइ छ।
दुर्घटनामा आधा दर्जन बढी घाइते भएका छन्। तीन जनाको अवस्था गम्भीर भएकाले थप उपचारका लागि बुटवल रिफर गरिएको छ। थप चार जनाको सामुदायिक अस्पताल चारनम्बरमा उपचार भइरहेको छ।
प्रतिक्रिया दिनुहोस !
