हतियार बुझाउन अटेरी, समयमै नबुझाए घरमै गएर बरामद गर्ने बागलुङ प्रहरीको तयारी
कात्तिक १६, २०७९ बुधबार ११:४३:०
बागलुङ : बागलुङमा इजाजत प्राप्त हतियार बुझाउन हतियार धनीहरुले अटेरी गरेका छन् ।
आगामी मंसिर ४ गते हुने प्रतिनिधिसभा तथा प्रदेशसभा निर्वाचनलाई लक्षित जिल्ला प्रशासनको आग्रहपछि बागलुङमा ३० जनाले मात्रै हतियार प्रहरीलाई बुझाएका छन् ।
जिल्ला प्रशासन कार्यालय बागलुङले असोज १४ गते एक सार्वजनिक सूचना जारी गर्दै कार्तिक ६ गतेसम्म हतियार बुझाउन आग्रह गरेपनि बागलुङमा सोमबारसम्म ३० जनाले मात्र हतियार बुझाएको जिल्ला प्रहरी कार्यालय बागलुङले जनाएको छ ।
बागलुङमा दर्तावाला मात्रै १ सय २० भन्दा बढी हतियार छन् । तर, आफूसँग भएको हतियार प्रहरी प्रशासनमा बुझान हतियारधनीले तत्परता देखाएका छैनन् ।
प्रशासनले निर्वाचनलाई निर्वाचनलाई स्वच्छ, निष्पक्ष र सुरक्षित वातावरणमा सम्पन्न गर्न जिल्लाभित्र रहेका इजाजत पत्र प्राप्त हतियारहरु नजिकको प्रहरी चौकीमा बुझाउन आग्रह गरेको थियो । जिल्ला प्रहरी कार्यालय बागलुङका सूचना अधिकारी (प्रहरी नायव उपरीक्षक) गंगा बहादुर थापाले सोमबारसम्म ३० जनाले मात्र हतियार बुझाएको बताए ।
प्रनाउ थापाले प्रशासनको सूचनालाई आधार मानि छिटोभन्दा छिटो हतियार बुझाउनुको विकल्पन नरहेको बताए । ‘इजाजत प्राप्त हतियारहरु को-कोसँग छ न्ने प्रशासनमा डाटा छ,' उनले भने, ‘समयमै प्रहरीमा नबुझाएमा घरघरमै गएर बरामद गरी कानुन अनुरुप कारवाही गछौं ।’
उनले आफूसँग भएको हतियार तुरुन्त प्रशासन र प्रहरी कार्यालय, इलाका कार्यालय, प्रहरी चौकी, पोष्टलगायतमा छिटोभन्दा छिटो बुझाउन आग्रह गरे ।
जिल्ला प्रशासन कार्यालय बागलुङका नासु राम प्रसाद शर्माका अनुसार बागलुङमा १ सय २० वटा जति दर्तावाला हतियार (बन्दुक) छन् ।
प्रतिक्रिया दिनुहोस !
