बझाङ : भीरबाट खसेको ढुंगा लागेर घाइते भएकी महिलाको हेलिकोप्टरबाट उद्दार गरिएको छ ।
जिल्लाको साइपाल गाउँपालिका -३ की वडा सदस्यसमेत रहेकी डिकी गुरुङलाई बझाङमा उपचार सम्भव नभएपछि सोमबार नेपाली सेनाको हेलिकोप्टरमार्फत उद्दार गरिएको हो ।
२८ वर्षीया गुरुङ आइतबार साँझ घर नजिकैको जालिकाँडा भन्ने जंगलमा दाउरा काट्ने क्रममा माथिबाट ढुंगा खस्दा गम्भीर घाइते भएको साइपाल गाउँपालिका उपाध्यक्ष डोल्मा तामाङले जानकारी दिइन्।
गुरुङको टाउकोमा गहिरो चोट लागेको र अवस्था गम्भीर भएकाले हेलिकप्टरमार्फत नेपालगञ्ज रेफर गरिएको हो। उद्दार खर्च ५ लाख बराबरको रकम गाउँपालिकाले व्यहोर्ने जनाएको छ ।
प्रतिक्रिया दिनुहोस !
५
