पिकअप गाडीको ठक्करबाट साइकल यात्रीको मृत्यु
![पिकअप गाडीको ठक्करबाट साइकल यात्रीको मृत्यु](https://annapurnapost.prixacdn.net/media/albums/accident_20201125081628_Oi2ZsEDFIw.jpg)
झापा : झापामा पिकअप गाडीको ठक्करबाट एक साइकल यात्रीको मृत्यु भएको छ।
मृत्यु हुनेमा बिर्तामोड नगरपालिका-३ निवासी ६० वर्षीय उदयबहादुर गहतराज रहेको प्रहरी कार्यालय झापाले जनाएको छ।
प्रहरीका अनुसार पूर्व पश्चिम राजमार्गअन्तर्गत बिर्तामोड-३ मा सोमबार बिहान ५ बजे प्रदेश १-०१-००१ च ८३१९ नम्बरको पिकअप गाडीले साइकल यात्री गहतराजलाई ठक्कर दिएको थियो।
दुर्घटनामा परी घाइते भएका गहतराजको बिर्ता सिटी अस्पताल बिर्तामोडमा उपचारको क्रममा मृत्यु भएको प्रहरीले जनाएको छ।
यता ठक्कर दिने गाडी र चालक पथरी शनिश्चरे मोरङका कमलबहादुर मगरलाई इलाका प्रहरी कार्यालय अनारमनिले नियन्त्रणमा लिएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)