सन्धिखर्क : पूर्व उपसभामुख तथा नेपाली कांग्रेसका नेता पुस्पा भुसालले नेपाली कांग्रेस र गठबन्धनको जीत सुनिश्चित भएको बताइन्। शितगंगा नगरपालिका १२ को रजियामा भएको चुनावी प्रचारप्रसार कार्यक्रमलाई सम्बोधन गर्दैउनले नेपाली जनताको लामो संघर्ष र बलिदानीबाट प्राप्त संविधान सभामार्फत जनताका प्रतिनिधिले लेखेको संविधानको रक्षा गर्दै संविधानको कार्यन्वयनका लागि लोकतान्त्रिक गठबन्धनको जित अहिलेको आवश्यक्ता रहेको पनि उल्लेख गरिन्।
शितगंगा नगरपालिका १२ को रजियामा भएको चुनावी प्रचारप्रसार कार्यक्रमलाई सम्बोधन गर्दै नेता भुसालले अर्घाखाँचीको विकास निर्माणका काम र जिल्लाको मुहार फेर्न नेपाली कांग्रेस र गठबन्धनको जीत सुनिश्चित भएको बताएकी छन्।
उनले नेपालकै सबैभन्दा ठुलो शितगंगा नगरपालिकाको विकास गर्न विशेष क्षेत्र बनाउने बताइन्।
अर्घाखाँचीबाट प्रतिनिधि सभा सदस्य पदका उम्मेदवार समेत रहेकी भुसालले भौगोलिक अवस्थाले जटिल रहेको शितगंगा नगरलाई विशेष क्षेत्र बनाएर विकासमा नमुना बनाउने प्रतिवद्धता ब्यक्त गरेकी हुन्।
रोजगारी र शिक्षाको कारण गाउँमा मानिसहरु बसाइँसराइ गरेको बताउँदै अर्घाखाँचीमा सुविधासम्पन्न कलेज र प्राविधिक विषय पढाइ हुने कलेजहरु खोल्नु पर्ने उनले बताइन्।
उनले अर्घाखाँचीका युवाहरूलाई कृषि, पशुपालन र पर्यटनको माध्यमबाट स्वरोजगार बनाउने बताइन्।
प्रतिक्रिया दिनुहोस !
